another poem -

phir koii aayaaa dil-e-zaar, nahiiN koii nahiiN
raahrav hogaa, kahiiN aur chalaa jaayegaa
Dhal chukii raat, bikharne lagaa taaron ka Ghubaar
laRkhaRaane lage aivaanoN men Khwaabiidaa chiraaGh
so gaii raastaa tak tak ke har ek rahguzar
ajnabii Khaak ne dhundhlaa diye qadmoN ke suraaGh
gul karo sham'en, baDhaao maye-o-meena-o-ayaaGh
apne beKhwaab kivaaDon ko muqaffal kar lo
ab yahaan koii nahiin, koii nahiin aayegaa...

(Faiz Ahmed Faiz)