Ek piari c ghazal...

kaam sab ghair zaruuri haiN jo sab karte haiN 
aur hum kuchh nahiiN karte haiN ghazab karte haiN

ham pe haakim kaa koi hukm nahin chaltaa hai
ham qalandar haiN, shahanshaah laqab karte haiN

aap ki nazroN meN suuraj kii hai jitnii azmat
ham chiraaghoN kaa bhii utnaa hi adab karte haiN

dekhiye jisko use dhun hai masiihaaii kii
aajkal shahroN ke biimar matab karte haiN

Rahat Indori