محبتوں میں ہر ایک لمحہ وصال ہو گا۔۔۔ یہ طے ہوا تھا۔​

محبتوں میں ہر ایک لمحہ وصال ہو گا۔۔۔ یہ طے ہوا تھا۔

بچھڑ کے بھی ایک دوسرے کا خیال ہو گا۔۔۔ یہ طے ہوا تھا۔

۔۔

وہی ہُوا نا ، بدلتے موسم میں تم نے ہم کو بھلا دیا ہے۔۔۔

کوئی بھی رُت ہو نہ چاہتوں کو زوال ہو گا۔۔۔ یہ طے ہوا تھا۔

۔۔

یہ کیا کہ سانسیں اکھڑ گئی ہیں سفر کے آغاز میں ہی یارو

کوئی بھی تھک کے نہ راستے میں نڈھال ہو گا۔۔۔ یہ طے ہوا تھا۔

۔

جدا ہوئے ہیں تو کیا ہوا ہے یہی تو دستور زندگی ہے

جدائیوں میں نہ قربتوں کا ملال ہو گا۔۔۔ یہ طے ہوا تھا۔

۔

چلو کہ فیضان کشتیوں کو جلا دیں گمنام ساحلوں پر

کہ اب یہاں سے نہ واپسی کا سوال ہو گا۔۔۔ یہ طے ہوا تھا۔

یہ کبھی بھی خفا نہیں ہوتیں

بیٹیاں زخم--- سہہ نہیں پاتیں

بیٹیاں درد--- کہہ نہیں پاتیں

بیٹیاں آنکھ کا ستارہ ہیں

بیٹیاں درد میں سہارا ہیں

بیٹیوں کو ہراس مت کرنا

ان کو ہرگز اداس مت کرنا

بیٹیاں نور ہیں نگاہوں کا

بیٹیاں باب ہیں پناہوں کا

بیٹیاں دل کی صاف ہوتی ہیں

گویا کھلتا گلاب ہوتی ہیں

بیٹیوں کو سزائیں مت دینا

ان کو غم کی قبائیں مت دینا

بیٹیاں چاہتوں کی پیاسی ہیں

یہ پرائے چمن کی باسی ہیں

بیٹیاں بے وفا نہیں ہوتیں

یہ کبھی بھی خفا نہیں ہوتیں

یہ کبھی بھی خفا نہیں ہوتیں

کچھ بھی تو نہیں ویسا

کچھ بھی تو نہیں ویسا

جیسا تجھے سوچا تھا

جتنا تجھے چاہا تھا

سوچا تھا ترے لب پر

کچھ حرف دعاوْں کے

کچھ پھول وفاوْں کے

مہکیں گے مری خاطر

کچھ بھی تو نہیں ویسا

جیسا تجھے سوچا تھا

محسوس یہ ہوتا ہے

دکھ جھیلے تھے جو اب تک

بے نام مسافت میں

لکھنے کی محبّت میں

پڑھنے کی ضرورت میں

بے سوز ریاضت تھی

بے فیض عبادت تھی

جو خواب بھی دیکھے تھے

ان جاگتی آنکھوں نے

سب خام خیالی تھی

پھر بھی تجھے پانے کی

دل کے کسی گوشے میں

خواہش تو بچا لی تھی

لیکن تجھے پا کر بھی

اور خود کو گنوا کر بھی

اس حبس کے موسم کی

کھڑکی سے ہوا آئی

نہ پھول سے خوشبو کی

کوئی بھی صدا آئی

اب نیند ہے آنکھوں میں

نہ دل میں وہ پہلی سی

تازہ سخن آرائی

نہ لفظ میرے نکلے

نہ حرف و معانی کی

دانش مرے کام آئی

نادیدہ رفاقت میں

جتنی بھی اذیت تھی

سب ہی مرے نام آئی

کچھ بھی تو نہیں ویسا

جیسا تجھے سوچا تھا

جتنا تجھے چاہا تھا

وہ سارے لفظ جھوٹے تھے

وہ سارے لفظ جھوٹے تھے

شارق کیفی

محبت کی کمی 

لفظوں سے پوری کر رہا تھا میں 

مگر جب آج 

میں سچ مچ میں اس کو چاہتا ہوں 

اسے مجھ سے شکایت ہے خموشی کی 

کوئی بتلائے اس کو 

یہ خموشی ہی تو سچی ہے 

وہ سارے لفظ جھوٹے تھے

The true meaning and value of compassion and nonviolence.....

"Here is the true meaning and value of compassion and nonviolence, when it helps us to see the enemy's point of view, to hear his questions, to know his assessment of ourselves. For from his view we may indeed see the basic weaknesses of our own condition, and if we are mature, we may learn and grow and profit from the wisdom of the brothers who are called the opposition."

’’میں اپنے دادا کی روح سے بات کرنا چاہتا ہوں ‘‘۔

ایک عامل کا بڑا چرچہ تھا کہ وہ روحوں سے بات کروادیتے ہیں ۔ ایک بچہ جو اپنی ذہانت سے ہوشیاری کی وجہ سے محلے بھر میں مشہور تھا ان عامل کے پاس پہنچا اور نذرانہ پیش کرنے کے بعد کہا ۔

''میں اپنے دادا کی روح سے بات کرنا چاہتا ہوں ''۔

اسے ایک اندھیرے کمرے میں لے جایا گیا جہاں اگر بتیاں جل رہی تھیں ۔چند لمحوں کے بعد ایک بھاری آواز سنائی دی ۔

کیوں آئے ہو برخوردار؟قریب سے عامل صاحب کے چیلے نے بچے کو ٹھوکا دیا یہ تمہارے دادا کی روح بول رہی ہے ۔ پوچھو کیا پوچھنا چاہتے ہو ؟

دادا جان ! بچے نے سر کھجاتے ہوئے کہا ۔

''مجھے آپ سے صرف یہ پوچھنا ہے کہ آپ کی روح یہاں کیا کررہی ہے ؟ جبکہ آپ کا تو بھی انتقال بھی نہیں ہوا''

جہنم میں جانے کے لئے تو بڑی سخت محنت کی ضرورت ھوتی ھے۔

اشفاق احمد لکھتے ہیں کہ ایک دن میں نیکر پہن کر سپارہ پڑھنے مسجد چلا گیا مولوی صاحب غصے میں آ گئے، بولے. ارے نالائق تم مسجد میں نیکر پہن کر کیوں آ گئے؟ بے وقوف ایسے مسجد میں آؤ گے تو جہنم میں جاؤ گے۔

 میں نے گھر آ کر ماں جی کو بتایا تو ماں بولی پتر مولوی صاحب غصے میں ہوں گے جو انہوں نے ایسا کہہ دیا ورنہ بیٹا جہنم میں جانے کے لئے تو بڑی سخت محنت کی ضرورت ھوتی ھے۔ جہنم حاصل کرنے کے لئے پتھر دل ہونا پڑتا ھے۔ جہنم لینے کے لئے دوسروں کا حق مارنا پڑتا ھے.  قاتل اور ڈاکو بننا پڑتا ھے، فساد پھیلانا پڑتا ھے، مخلوقِ خدا کو اذیت دینی پڑتی ھے، نہتے انسانوں پر آگ اور بارود کی بارش کرنا پڑتی ھے. محبت سے نفرت کرنا پڑتی ھے۔ اس کے لئے ماؤں کی گودیں اجاڑنی پڑتی ہیں. رب العالمین اور رحمت العالمین سے تعلقات توڑنے پڑتے ہیں، تب کہیں جا کر جہنم ملتی ہے۔ تُو تو اتنا کاہل ھے کہ پانی بھی خود نہیں پیتا۔ تجھ سے یہ محنت کیونکر ہو سکے گی؟

 تو تو چڑیا کی موت پر ہفتوں روتا رہتا ھے پھر تُو اتنا پتھر دل کیسے بن سکتا ھے؟ بیٹا مولوی صاحب کی باتوں پر دھیان مت دینا ورنہ تمھارے اندر" خدا کا صرف ڈر  بیٹھے گا محبت نہیں" ❤

Subhan Allah

•• مشتاق احمد یوسفی پڑھیے اور سَر دُھنیے ••

•• مشتاق احمد یوسفی پڑھیے اور سَر دُھنیے ••

•• آج کل تو بغیر ڈاکٹر کی مدد سے آدمی مر بھی نہیں سکتا۔

•• آدمی ایک دفعہ پروفیسر ہو جائے تو عمر بھر پروفیسر ہی کہلاتا ہے۔ خواہ بعد میں سمجھداری کی باتیں ہی کیوں نہ کرنے لگے۔

•• انسان کو موت ہمیشہ قبل از وقت اور شادی بعد از وقت معلوم ہوتی ہے۔

•• ڈاکٹر کی دعا اور بیوی کی چپ، کبھی اچھا شگون نہیں رہا۔۔۔

•• محبت اندھی ہوتی ہے چناچہ عورت کے لیےخوبصورت ہونا ضروری نہیں بس مرد کا نابینا ہونا کافی ہے۔

•• وہ زہر دے کے مارتی تو دنیا کی نظر میں آجاتی، انداز قتل تو دیکھو، ہم سے شادی کرلی ...

•• مونگ_پھلی اور آوارگی میں یہ خرابی ہے کہ آدمی ایک دفعہ شروع کردے تو سمجھ میں نہیں آتا کہ ختم کیسے کرے۔

•• بہت کم لیڈر ایسے گزرے ھیں جنہیں صحیح وقت پر مرنے کی سعادت نصیب ھوئی ہے۔

•• بڑھاپے کی شادی اور بینک کی چوکیداری میں ذرا فرق نہیں - 

سوتے میں بھی ایک آنکھ کھلی رکھنی پڑتی ہے -

•• جاڑے اور بڑھاپے کو جتنا زیادہ محسوس کرو اتنا ہی لگتا چلا جاتا ہے۔

•• ساس. سسر. موسم اور حکومت کے خلاف لکھنے کے لیے دماغ پر زیادہ زور نہیں دینا پڑتا۔

•• جس دن بچے کی جیب سے فضول چیزوں کی بجائے پیسے برآمد ہوں تو سمجھ لینا چاہئے کہ اب اسے بے فکری کی نیند کبھی نصیب نہیں ہوگی۔

•• سوال یہ نہیں کہ بعد از مرگ کوئی زندگی ہے کہ نہیں، سوال یہ ہے کہ کیا آپ موت سے پہلے واقعی جی رہے ہیں-

•• مسلمان کسی ایسے جانور کو محبت سے نہیں پالتے جسے ذبحہ کر کے کھا نہ سکیں۔

•• پاکستان کی افواہوں کی سب سے بڑی خوبی یہ ہے کہ سچ نکلتی ہیں۔

محبوب ہو میرے قدموں میں

زرا دیکھ کے چال ستاروں کی

کوئی، زائچہ کھینچ قلندر سا

کوئی ایسا جنتر منتر پڑھ

جو کر دے بخت،، سکندر سا

کوئی چلہ ایسا کاٹ کے پھر

کوئی اس کی کاٹ نہ کر پائے

کوئی ایسا دے تعویذ مجھے

وہ مجھ پر عاشق ہو جائے

کوئی فال نکال،،،، کرشمہ گر

مری راہ میں پھول گلاب آئیں

کوئی پانی، پھونک کے دے ایسا

وہ پیئے تو میرے خواب آئیں

کوئی قابو کر،،،، بے قابو جن

کوئی سانپ نکال،،، پٹاری سے

کوئی دھاگہ کھینچ، پراندے کا

کوئی منکا، اچھا دھاری سے

کوئی ایسا بول،،، سکھا دے نا

وہ سمجھے خوش گفتار ہوں میں

کوئی ایسا عمل،،، کرا مجھ سے

وہ جانے،،، جان نثار ہوں میں

کوئی ڈھونڈ کے وہ،،، کستوری لا

اسے لگے میں چاند کے جیسا ہوں

جو مرضی،،، میرے یار کی ہے

اسے لگے،،،، میں بالکل ویسا ہوں

کوئی ایسا اسم اعظم پڑھ

جو اشک بہا دے سجدوں میں

اور جیسے تیرا،،، دعوی ہے

محبوب ہو میرے قدموں میں

پر عامل رک،،، اک بات کہوں

یہ قدموں والی، بات ہے کیا؟

محبوب تو ہے،،،، سر آنکھوں پر

مجھ پتھر کی اوقات ہے کیا؟

اور عامل سن،،، یہ کام بدل

یک کام،،،، بہت نقصان کا ہے

سب دھاگے اسکے ہاتھ میں ہیں

جو مالک،،،، کل جہان کا ہے۔۔۔